Lirohet në shtëpi foshnja 5 muajshe nga Kamenica, ishte infektuar me coronavirus.

Është liruar në shtëpi foshnja 5 muajshe nga fshati Topanicë e Kamenicës, e cila u trajtua në Klinikën Infektive pasi ishte infektuar me Coronavirus.

Foshnja tashmë është në shtëpi dhe gjendja e saj është stabile.

Lajmin e ka konfirmuar zëdhënësja e Komunës së Kamenicës, Margarita Rashiti.

“Sot gjatë ditës Instituti i Shëndetësisë Publike të Kosovës, na ka informuar se gjendja e foshnjës pesë muajshe të prekur nga virusi COVID-19 është mirë dhe ajo është liruar nga Klinika Infektive për t’u rikthyer në shtëpi. Normalisht që foshnja dhe personat e tjerë, duhet të qëndrojnë në vetizolim dhe t’i respektojnë të gjitha udhëzimet nga organet kompetente deri të shërohen nga ky virus”, ka thënë Rashiti për Ekonomia Online.

Artikulli paraprakTebas: Nëse Messi shkon në Itali nuk është tragjedi, me largimin e Ronaldos fituam më shumë para.
Artikulli tjetërShala: Katër nga nëntë personat e prekur me COVID-19 në Gjakovë, janë shëruar plotësisht.