Digjet vetura e KSHZ-së që vinte nga Gostivari

Sot në orët e hershme të mëngjesit nga shkaqe ende të panjohura, është djegur vetura e Komisionit zgjedhor në Gostivar. Në veturë ka qenë materiali zgjedhor nga votimi në Komunën e Gostivarit. Në incident nuk ka persona të lënduar.

Gostivari është Komuna ku BDI pësoi humbjen më të thellë, kështu që në rrjetet sociale kanë filluar të paraqiten komente dyshuese lidhur me shkaqet e djegies së veturës.

“Sot në ora 4 e 30 minuta të mëngjesit, në SPB Tetovë është raportuar se është djegur veturë ‘Ford Tranzit’ me targa të Gostivarit, që e ka drejtuar 35 vjeçari F.A. në afërsi të pikëpagesës në Tetovë”, njoftoi zëdhënësi i SPB Tetovë, Marjan Josifovski.