Vrasje në Rahovec: Policia arreston familjarin e viktimës

Një vrasje ka ndodhur në fshatin Soniq të Rahovecit. Policia ka arrestuar një familjar të viktimës si të dyshuarin kryesor.

Lajmin për Gazetën Express e ka konfirmuar zëdhënësi i Policisë së Kosovës për Rajonin e Gjakovës, Nystret Gjurkaj.

Rasti është duke u trajtuar si plagosje. Me t’u plagosur viktima është dërguar, në gjendje të rëndë është dërguar për në spital.

E përkundër përpjekjeve mjekësore, viktima nuk ka arritur të mbijetojë.

“Sot rreth orës 21:00 në fshatin Soniq të Rahovecit ka ndodhur një plagosje me pasoja vdekjeprurëse. Viktima në gjendje të rëndë është dërguar në spitalin rajonal në Gjakovë dhe përkundër përpjekjeve mjekësore i njëjti ka ndërruar jetë. Dyshohet se palët janë familjarë në mes vete. Njësitet policore i janë përgjigjur vendit të ngjarjes. I dyshuari është arrestuar”, ka konfirmuar Gjurkaj.

Artikulli paraprakEnver Idrizi merr titullin legjendë e të gjitha kohërave në Kroaci
Artikulli tjetërGramoz Ruçi jep dorëheqje