Shkup: Do të mbyllet Instituti për Rehabilitim në Kozle, tetë punonjës dhe dy pacientë janë infektuar me coronavirus.

Instituti për Rehabilitim në Kozle të Shkupit do të mbyllet në periudhën që vjen, pasi me coronavirus janë diagnostikuar tetë punëtorë shëndetësorë dhe dy pacientë.

Ministri i Shëndetësisë Venko Filipçe, sot tha se në institut janë testuar 46 të punësuar dhe gjashtë pacientë.

“Mostrat janë marrë më 26, 27 dhe 28 mars. Tetë mjekë dhe dy pacientë ishin pozitiv me Covid-19. Punëtorët shëndetësor janë asimptomatikë, por duhet periudhë prej 14 ditësh për të vlerësuar gjendjen dhe për të monitoruar të gjithë të tjerët. Në këtë drejtim, kemi vendosur të mbyllim institutin në Kozle për periudhën e ardhshme”, tha Filipçe.

Alarmin për coronavirus në Institut e ngriti një pacient i palëvizshëm nga Tetova, i cili një ditë pasi doli nga spitali, rezultoi pozitiv me coronavirus.