Reshat Çilafi mbron titullin Magjistër i Grafikës

Sot artisti Reshat Çilafi nga fshati Raçe, komuna e Sarajit ka mbrojti titullin Magjistër në Degën e Grafikës pranë Akademisë së Arteve në Universitetin Shën Kirili dhe Metodij në Shkup.

Nga sot fshatit Raçe, komunës së Sarajit, trevës së Dërvenit dhe mbarë shqiptarëve në Maqedoninë e Veriut në përgjithësi i shtohet edhe një artist i mirëfilltë i arteve të bukura në degën e grafikës.

Në mbrojtjen e titullit Magjistër i Grafikës, artisti Reshat Çilafi kishte punuar mbi 20 vepra artistike që karakterizohen me një afirmim burimor të teknikave të ndërlikuara grafike (gjilpërë e thatë, akuatintë, drugdhendje litografi, bakërshkrim monotipi deri te diciplina digjitale grafike) si dhe me një intelektualizëm të theksuar në qasjen drejt artit vizual.

Gjithashtu, në këto vepra theksohen forma të dizajnuara me efekte dekorative me ngjyra e një shije të veçantë të renditjes në hapësirë dhe elementet figurative të shenjave dhe simboleve.

Anëtarë të komisionit në mbrojtjen e temës së Magjistraturës ishin Dr.Trajçe Bllazevski – mentor, Dr.Fehim Huskovic, Mr.Ladislav Cvetkovski. /Gurra.mk