Policia e cilëson “vrasje të rëndë” vdekjen e shtetasit të huaj në Prishtinë

Policia e Kosovës e ka cilësuar si “vrasje të rëndë” vdekjen e një shtetasi të huaj në një shtëpi të pabanuar në Prishtinë, e cila u kaplua nga zjarri.

Në raportin 24 orësh, policia njofton se ekipi i zjarrfikësve gjatë shuarjes së zjarrit kanë hasur në një person pa shenja jete, njofton Klan Kosova.

“Raportohet se pas pranimit të një informatë se është kapluar nga zjarri një shtëpi, në vendin e ngjarjes kanë dalë njësitet përkatëse, ku gjatë shuarjes së zjarrit ekipi i zjarrfikësve, ka hasur në një person pa shenja jete. Ekipi i ndihmës se shpejte ka konstatuar vdekjen e viktimës. Me vendim të prokurorit, trupi i pa jetë dërgohet në IML për obduksion”, thuhet në raport.

Klan Kosova ka mësuar se dyshohet se azilkërkuesi nuk ka vdekur nga zjarri, por nga plagët e marra paraprakisht nga therja me thikë.

Artikulli paraprakZgjedhja e Presidentit në Kosovë, mund të fusë vendin në krizë
Artikulli tjetërBEDRI AJDARI: TË LIROHEN PROTESTUESIT E ARRESTUAR