Lukaku flet për luftën e ofertave mes Juventusit dhe Interit

Romelu Lukaku zbulon se ofertat “ishin vërtet afër” mes Juventusit dhe Interit, por ishte Antonio Conte ai që e bindi.

Ish-sulmuesi i Manchester United ka pasur një ndikim të madh te Nerazzurrët, duke shënuar 23 gola në 35 ndeshje.

Ai foli përmes Facetime me ish sulmuesin e Arsenalit dhe tani prezantuesi sportit, Ian Wright në kanalin e tij në YouTube.

“E dija se do të ishte mirë. Një vit i keq, mund të ndodhë në karrierën e kujtdo. Ju e dini se çfarë ndodhi pas skenave (në Manchester United)”.

“Ishte një situatë e vështirë ku unë u detyrova të merrja një vendim për tu larguar diku, ku mund të punoja me dikë që donte”.

Juventus gjithashtu ishte gati për ta marr dhe kishte luftë ofertash me Interin për belgun.

“Ishte afër, ishte vërtet afër, por mendja ime ishte gjithmonë te Interi dhe trajneri. Kur isha fëmijë, unë shikoja Adrianon, Ronaldon, Christian Vierin dhe kështu kur zgjodha Interin. Conte më kishte dashur edhe në Chelsea dhe Juventus”, ka thënë Lukaku.