Kampionatet elitare të futbollit janë në pushim shkaku i përhapjes së pandemisë coronavirus.
Megjithatë klubet e mëdha në këtë kohë pushimi po bëjnë gati transferimet që do t’i kryejnë në afatin kalimtar veror.
Kampioni në fuqi i Evropës, Liverpool do të shpenzojë në repartin ofensivë, pasi i duhen ende sulmues.
The Reds janë gati ta transferojnë në Anfield sensacionin e Ligue 1 këtë edicion, sulmuesin Victor Osimhen.
21-vjeçari ka pasur paraqitje fantastike me Lille, ku 38 ndeshje në të gjitha garat ka shënuar 18 gola dhe ka bërë gjashtë asistime.
![](https://telegrafi.com/wp-content/uploads/2020/03/GettyImages-1178617022.jpg)
Le 10 Sport ka raportuar se Liverpool ka gati një ofertë prej 100 milionë eurove për transferimin e Osimhen në Anfield.
Gjiganti anglez nuk do ta ketë të lehtë afrimin e nigerianit, pasi gara për të është shumë e madhe.
Barcelona, Real Madrid, Bayern Munich, PSG dhe Tottenham Hotspur janë skuadrat tjera që janë në kërkim të sensacionit nigerian të Ligue 1.
Gjithsesi drejtuesit e Lille kanë bërë të qartë se duan që nga shitja e yllit të tyre të fitojnë mbi 100 milionë euro.