Fauci: Vaksina anti-COVID, gjerësisht në dispozicion vetëm vitin e ardhshëm

Vaksina kundër COVID-19 nuk ka gjasa të jetë “e disponueshme” për njerëzit në SHBA pa kaluar “disa muaj” në vitin e ardhshëm, tha Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive.

“Unë mendoj se disa muaj pasi të hyjmë në vitin 2021, do të kemi një vaksinë që do të ishte e disponueshme për njerëzit në Shtetet e Bashkuara”, i tha ai për Washington Post.

Sipas tij, fjala kryesore është “gjerësisht e disponueshme”.

Qindra miliona doza në vitin 2021

“Ka të ngjarë që ne do të kemi dhjetëra miliona doza në dispozicion në fillim të vitit të ardhshëm,” deklaroi ai.

“Kompanitë e përfshira në bërjen e këtyre vaksinave, me të cilat shumë qeveri federale janë duke punuar ngushtë, kanë premtuar se kur të hyjmë në vitin 2021 do të ketë qindra miliona doza. Dhe atëherë, mbase diku pas kësaj, miliarda doza”, përfundoi Fauci.

Situata në Shtetet e Bashkuara mbetet shqetësuese, pasi më shumë se 1.000 vdekje u regjistruan për ditën e katërt me radhë.