Britania regjistroi 781 vdekje nga coronavirusi në 24 orët e fundit, duke çuar në 20 mijë numrin e përgjithshëm.

Britania regjistroi 781 vdekje në 24 orët e fundit nga coronavirusi, një rritje nga e premtja, kur kishte pasur 684.

Bilanci i përgjithshëm ishte 20.228 vdekje, njoftuan autoritetet shëndetësore. Në total, janë 148.377 të infektuar.

Qeveria po përballet me një presion të brendshëm në rritje për të vendosur në tryezë një hartë që lejon të hiqen disa nga kufizimet që të fillojë të hapet ekonomia në vend.

Presioni ndaj ekzekutivit për të detajuar një program daljeje nga mbyllja është rritur pasi Shefi i Ministrit Skocez Nicola Sturgeon publikoi një plan se si do të menaxhohet rihapja e shkollave, bizneseve dhe vendeve të argëtimit në rajon.