Arrestohen në Kosovë dy persona të shumë kërkuar në vendin tonë

Nga ana e Ministrisë së Punëve të Brendshme të Kosovës gjatë javës së kaluar janë arrestuar Besim Krasniqi dhe Fadil Toçi të cilët janë kërkuar me urdhërarrest të shpallur nga ana e Ministrisë së Punëve të Brendshme e vendit tonë për vepra të bërë penale, informoi sot ministri i Punëve të Brendshme, Naqe Çulev në profilin e tij në Fejsbuk.

Aksioni për arrestimin e tyre, siç thekson, është realizuar në bashkëpunim dhe komunikim mes Interpolit në Prishtinë dhe nëpunësve të policisë nga Ministria e Punëve të Brendshme në vendin tonë.

“Sipas informacioneve të cilat i kam në dispozicion procedura e mëtutjeshme për ekstradimin e koordinon Ministria e Drejtësisë”, tha Çulevi dhe shtoi se MPB edhe më tutje ndërmerr masa dhe aktivitetet për zbatimin e ligjit tërësisht dhe pa dallime.