101-vjeçari nga Britania e Madhe shërohet plotësisht nga coronavirusi.

Një burrë 101-vjeçar që rezultoi pozitiv me coronavirus, është rikthyer në shtëpi pasi u shërua plotësisht nga kjo sëmundje.

Sipas mediave të huaja, përcjell Telegrafi, Keith Watson nga Worcestershire i Anglisë fillimisht u pranua në spital për një operacion në këmbën e tij, e që më pas u testua për Covid-19, pasi kishte temperaturë të lartë.

“Jo vetëm operacioni, mirëpo me të dëgjuar që rezultoi pozitiv me coronavirus, mendimet na u zbehën e ishim shumë keq”, tha reja e tij Jo Watson.

“Për moshën që ka është jashtëzakonisht i fortë”, është shprehur ajo.

Watson tha që vjehrri i saj ishte kthyer në shtëpinë e tij të kujdesit, pasi kaloi dy javë në spital.

“Ka dhimbje në këmbë, por asgjë më shumë”, shton reja e 101 vjeçarit.

Një postim në Facebook nga “Worcestershire Acute Hospital Hospital NHS Trust”, në lidhje me Keith Watson është shpërndarë deri më tani 3,000 herë.

Artikulli paraprakVdes mjeku në Britani të Madhe, i cili paralajmëroi kryeministrin Johnson për mungesë të pajisjeve mbrojtëse.
Artikulli tjetërFoshnjat në Tajlandë pajisjen me “mini-mburoja” të fytyrës.