SHBA ka raportuar më shumë se 200,000 raste nga coronavirusi, në bazë të shifrave të fundit nga Universiteti John Hopkins.
Sipas mediave të huaja, përcjell Telegrafi, numri i të infektuarve në total është 203,608, ndërsa Italia ka numrin e dytë më të lartë me më shumë se 110 mijë raste.
Bëhet e ditur se numri i të infektuarve në të gjithë botën ka shkuar në 911 mijë, 191 mijë persona janë shëruar, ndërsa 45 mijë të tjerë kanë ndërruar jetë.
Drejtori i Organizatës Botërore të Shëndetit, Tedros Adhanom Ghrebreyesus, gjatë një konference në Gjenevë, ka thënë se është mjaft i shqetësuar për shkallën e vdekjeve dhe përhapjen e shpejtë të coronavirusit.
“Gjatë pesë javëve të fundit, ne kemi parë një rritje gati eksponenciale në numrin e rasteve të reja që ka arritur pothuajse në çdo vend, territor dhe zonë”, tha ai.
