Një burgosur në Idrizovë nuk mund të tregojë nga kush është infektuar me Covid-19.

I burgosuri në Idrizovë nuk mund të tregojë saktë nga kush është sëmurë me koronavirus, ka njoftuar Qendra për shëndet publik në Veles. Qytetari nga Velesi i cili është duke vuajtur dënim me burg, të enjten e ka pranuar rezultatin që është pozitiv me kovid-19, pasi më 30 qershor është ankuar që ka temperaturë të zmadhuar, kurse më pas i është marrë strisho, shkruan SDK, transmeton Portalb.mk.

“I kemi bërë anketë epidemiologjike dhe ai nuk mund të tregojë nëse është takuar me ndonjë person pozitiv apo i cili ka qenë në izolim, ose çfarë do rasti të dyshimtë. Takimet të cilat i ka pasur ndërsa ka qenë në pushim për fundjavë në Veles kanë qenë të shkurta, ashtu që nuk mund të tregojë nga kush është infektuar me kovid-19”, thonë nga Qendra për shëndet publik në Veles, ku është hetuar ky rast.

I burgosuri në moshë 50 vjeçe është lëshuar për fundjavë në periudhën nga 24-27 qershor. Ka persona me të cilët ka kontaktuar dhe ata janë në vetëizolim për shkak të tij, ndërsa i burgosuri është në burgun e Idrizovës.

Sipas të dhënave nga Qendra të publikuara të shtunën, në zonën e Velesit dje janë regjistruar pesë raste të reja me kovid-19, mes tyre tre nga Velesi nga të cilët dy vëllezër, një e punësuar në Shkup dhe dy banorë të Jabollçishtes së Epërme, të cilët për shkaqe shëndetësore janë hospitalizuar në Repartin për sëmundje infektive në spitalin i Velesit. Një person i cili ka qenë në mjekim në këtë Repart është lëshuar në shtëpi pasi dy herë ka rezultuar negativ.

Artikulli paraprakSENZACIONALE!!! (Një gënjeshtër më shumë në fushatën zgjedhore të 15 korrikut)
Artikulli tjetërGjeloshaj: Ta bëjmë kryeministrin e parë shqiptar.