Ndihmoi plakun me coronavirus, infermierja britanike merr shumë shpërblime dhe falënderime – edhe nga Anthony Joshua.

Një infermiereje që ndihmoi një pensionist me simptoma të coronavirusit të shkonte në spital pasi dyshja ishin përfshirë në një përplasje i është ofruar një makinë e re, për ta shfrytëzuar përkohësisht, deri në rregullimin e makinës së saj.

Sipas medieve britanike, përcjell Telegrafi, infermierja e shëndetit mendor Lucy Duncan, 24 vjeç, po shkonte me veturën e saj Fiat 500X në shtëpi, nga një ndërrim 12 orësh në Wigan Infirmary të enjten e kaluar, kur makina e saj u godit nga automjeti i 78-vjeçarit.

Pensionisti i tha Lucy-t se po ngutej të merrte ushqim, pasi ishte izoluar për 10 ditë me simptoma Covid-19.

Zonja Duncan telefonoi një ambulancë dhe shkoi në spital me pensionistin e paemëruar, i cili i tha asaj që ai nuk kishte ngrënë për ditë të tëra.

Punëtorja shëndetësore kishte qëndruar me burrin e moshuar derisa ju tha se nuk kishte më se çfarë ajo të bënte më shumë për të.

Për fat të keq, ajo zbuloi më vonë se ai kishte vdekur.

Makina e re e Lucy mbërriti para shtëpisë së saj. Infermierja e shëndetit mendor ka marrë lëvdata nga bizneset, të famshëm dhe publiku për ndihmën e një 78-vjeçari

Si rezultat i veprimit të saj, përdorues të rrjeteve sociale e kanë “përmbytur” zonjën Duncan me lavdërime dhe oferta për ta ndihmuar.

Duke u shfaqur në një program të mëngjesit në BBC të mërkurën, asaj iu prezantua një makinë e re, e dhuruar nga një tregtar vendas.

Sipas Wigan Today, një organizator i ngjarjeve lokale ofroi të paguante pjesët për veturën e saj që do të riparohet, dhe një garazh, Body Shop Golborne, do të kryejë punën falas.

Artikulli paraprakKancelarja gjermane Angela Merkel ka zgjatur bllokimin deri më 19 prill.
Artikulli tjetërÇfarë do të thotë të jesh i infektuar me COVID-19: Pacientët tregojnë histori vuajtjesh, shprese dhe dëshpërimi.