Kompozitori Artan Kastrati ju çon selam këngëtarëve

Kompozitori dhe producenti i njohur nga Shkupi Artan Kastrati si duket është i shqetësuar me fenomenin COVER që ndodh kohëve të fundit në skenën muzikore si në Maqedoni poashtu edhe në Kosovë e Shqipëri.

Mirëpo Artan Kastrati nuk është aspak kundër vetëm se sipas mendimit të tij para se një këngëtarë të bëj një COVER është e ndërgjegjëshme që së pari të konsultohen me kompozitorin dhe tekstshkruesin.

Më poshtë ju sjellim edhe reagimin e kompozitorit Artan Kastrati që e ka bërë në profilin e tij në Facebook.

Cover = RENT A KËNGË (rent a car). Këngëtarë-e,konsultohuni me kompozitorin e tekstshkruesin, që janë autorë-pronarë të përjetshëm të këngës. Bëhuni të ndërgjegjshëm, sikurse që paguani harxhoni : audio studio,orkestrim,instrumentalistë,video realizim,paguani pra edhe kompozitorin e tekstshkruesin e këngës, që e uzurponi ju këngëtarë-e. Sepse, kur po ju drejtohem për veprën time, juve këngëtarë-e përgjigjeja juaj është(citoj): VOLLA E KENA VET KONGTARIN! Dmth kuptoni njëherë e përgjithmonë, se keni hy hak, e nuk e keni hallall nga kompozitori e tekstshkruesi. P.S. Kompozitori e tekstshkruesi jep leje për veprën e tij, e jo këngëtari-ja.