Barcelona kërkon 80 milionë euro për shitjen e Coutinhos

Futbollisti brazilian nuk është më në planet e trajnerit Ernesto Valverde.

Philippe Coutinho ka humbur vendin në skuadrën e Barcelonës dhe drejtuesit e klubit janë në kërkim të një ekipi që dëshiron ta blejë atë.

Goal raporton që Barça është e gatshme ta shesë brazilian për 80 milionë euro, gjatë afatit kalimtar të verës.

Fillimisht për Coutinhon ka shprehur interesim Manchester United, por së fundmi në garë për të është futur edhe Paris Saint-Germain.

Me gjasë destiancioni i radhës për brazilianin do të jetë kampionati francez, ku te PSG janë gati të paguajnë 80 milionë eurot e kërkuara nga Barcelona.